له‌نوێترین پێشهاتیشدا كۆمپانیاكه‌ سێ ناوی ده‌ستنیشان كردووه‌ بۆ ئۆتۆمبێله‌ نوێیه‌كه‌ی، هه‌رچه‌نده‌ تائێستا یه‌كێك له‌و ناوانه‌ یه‌كلایی نه‌بووه‌ته‌وه‌ بۆ ئۆتۆمبێله‌كان، به‌ڵام ناوه‌ پێشنیاركراوه‌كان ئه‌مانه‌ن: Apple car ،Apple cars ،Apple auto .

هه‌رچه‌نده‌ شتێكی لۆژیكیه‌ گه‌ر بڵێین ئه‌م كارانه‌ی ئه‌پڵ بۆ فرۆشتنی سیستمی (car (playیه‌، به‌ڵام پێده‌چێت هه‌ر ئه‌م كاراش پاڵ به‌كۆمپانیاكه‌وه‌ بنێت بۆ به‌رهه‌مهێنانی ئۆتۆمبێلی تایبه‌ت به‌خۆی.

ئه‌م ده‌نگۆیانه‌ له‌سه‌ره‌تادا جۆرێك له‌نامۆیی پێوه‌ دیاربوو، له‌هه‌مانكاتدا جێگه‌ی متمانه‌ش نه‌بوون، به‌ڵام دواتر چه‌ندین سه‌رچاوه‌ی باوه‌ڕپێكراو ئه‌و هه‌واڵه‌یان پشتڕاست كردووه‌ته‌وه‌.

بۆنموونه‌ رۆژنامه‌ی به‌ناوبانگی ئه‌مریكی (ووڵ ستریت جۆرناڵ) له‌مانگی ئه‌یلولی ساڵی رابردوودا راپۆرته‌ هه‌واڵێكی له‌وباره‌یه‌وه‌ بڵاوكرده‌وه‌، له‌ڕاپۆرته‌كه‌یدا ئاماژه‌ی به‌وه‌ كرد كه‌ ئه‌پڵ زۆر به‌خێرایی هه‌نگاوی ناوه‌ بۆ به‌رهه‌مهێنانی ئۆتۆمبێلی كاره‌بایی، به‌شێوه‌یه‌ك كه‌ سێ ئه‌وه‌نده‌ی جاران ژماره‌ی تیمی پێشكه‌وتنه‌كانی كۆمپانیاكه‌ی زیادكردووه‌، هه‌روه‌ها راپۆرته‌كه‌ كاتی به‌رهه‌مهێنانی ئۆتۆمبێله‌كه‌ی ئاشكراكردووه‌ كه‌ ده‌كه‌وێته‌ ساڵی 2019 وه‌.

له‌هاوینی رابردووشدا به‌هه‌مانشێوه‌ راپۆرته‌ هه‌واڵه‌كان ئاماژه‌یان به‌زیادبوونی تیمی ئۆتۆمبێله‌كانی ئه‌پڵ داوه‌، به‌شێوه‌یه‌ك كه‌ له‌به‌شه‌كانی تره‌وه‌ كه‌سانی پسپۆری هێناوه‌ته‌ ئه‌م به‌شه‌ تا بتوانن به‌باشی كاره‌كانیان رابپه‌ڕێنن به‌مه‌به‌ستی به‌رهه‌مهێنای ئۆتۆمبێله‌كه‌.