یه‌كه‌م: دوای چه‌ند راپرسییه‌ك كۆمپانیای فه‌یسبوك بڕیاریدا (به‌شی بازاڕكردن) بكاته‌وه‌، وه‌ك ئه‌زموونیش دووگمه‌یه‌ك یان به‌شی (buy) له‌سه‌ر په‌ڕه‌كه‌ی زیادكرد، به‌وهۆیه‌شه‌وه‌ ده‌توانرێت هه‌موو ئه‌و كاڵایانه‌ی بۆ فرۆشتنن له‌و به‌شه‌دا دابنرێت و ده‌ربكه‌ون، به‌كلیك كردنیش له‌سه‌ر كاڵاكه‌ كڕیار ده‌توانێت بیكڕێت، دوای جێگیركردنی ئه‌م به‌شه‌ ده‌كه‌وێته‌ كار.

دووه‌م: فه‌یسبوك بڕیاریداوه‌ تۆماری گرته‌ی ڤیدیۆیی بۆ نامه‌و په‌ڕه‌كان زیادبكات، بۆئه‌وه‌ی هاوڕێیان بتوانن به‌بۆنه‌ی یاده‌كانه‌وه‌ له‌بری وێنه‌ نامه‌ی ڤیدیۆیی خۆیان بنێرن.

سێیه‌م: له‌مه‌ودوا به‌كارهێنه‌ران ده‌توانن گرته‌ی ڤیدیۆییش وه‌ك وێنه‌ی پرۆفایل دابنێن، ئه‌م تایبه‌تمه‌ندییه‌ زۆرینه‌ی به‌كارهێنه‌رانی فه‌یسبوك هه‌ستیان پێكردووه‌، به‌ڵام تائێستا له‌ژێر ئه‌زمووندایه‌.

چواره‌م: گه‌ڕانی وردتر: فه‌یسبوك هه‌وڵده‌دات گه‌ڕان له‌تۆڕه‌كه‌یدا گه‌شه‌ پێبدات و له‌مه‌ودوا ئه‌م خزمه‌تگوزارییه‌ كاراتر ده‌بێت و به‌كارهێنه‌ران ده‌توانن ئاسانتر ئه‌و په‌ڕه‌و كه‌سانه‌ بدۆزنه‌وه‌ كه‌ مه‌به‌ستیانه‌.