ئامێرێك هه‌ستی ئاژه‌ڵه‌كان روونده‌كاته‌وه‌
له‌پێشانگه‌یه‌كدا كه‌ له‌تۆكیۆی پایته‌ختی وڵاتی ژاپۆن كرایه‌وه‌، جۆره‌ ئامێرێكی پێشكه‌وتوو نمایشكرا كه‌ هه‌ستی ئاژه‌ڵه‌ ماڵیه‌كان به‌تایبه‌ت سه‌گ و پشیله‌ روونده‌كاته‌وه‌، ئامێرێكه‌ وه‌ك ملوانكه‌یه‌ك ده‌كرێته‌ ملی ئاژه‌ڵه‌كان و جوڵه‌و هه‌ستیان روونده‌كاته‌وه‌، بۆنموونه‌ جوڵانی كلكی سه‌گ واته‌ی دڵخۆشی ده‌گه‌یه‌نێت، به‌ڵام جوڵه‌ی كلك لای پشیله‌ یه‌ك واته‌ی نیه‌، به‌ڵكو به‌پێی حاڵه‌ت و شوێنه‌كان ده‌گۆڕێت.

به‌رهه‌مهێنه‌رانی ئه‌و ملوانكه‌ زیره‌كه‌ له‌ژاپۆن ده‌ڵێن: ئه‌م ئامێره‌ هه‌ستی ئاژه‌ڵه‌ ماڵیه‌كان به‌شێوه‌یه‌كی زانستی روونده‌كاته‌وه‌، ئامێره‌كه‌ دوو به‌شی هه‌ستیاری بۆ دانراوه‌ كه‌ چاودێری جوڵه‌ی ئاژه‌ڵه‌ ماڵیه‌كان ده‌كات و دواتر ئه‌م جوڵانه‌ بۆ ئه‌پڵیكه‌یشنی مۆبایله‌ زیره‌كه‌كان ده‌نێرێت و ئه‌پڵیكه‌یشنه‌كه‌ش ئه‌م جوڵانه‌ بۆ خاوه‌نه‌كه‌ی روونده‌كاته‌وه‌، كه‌ ئایا ئاژه‌ڵه‌كه‌ دڵخۆش و به‌خته‌وه‌ره‌ یان ده‌یه‌وێت یاری بكات، یان توره‌یه‌؟

ماسایوشی ئاساهی كه‌ خاوه‌نی ئه‌م داهێنانه‌یه‌ رایگه‌یاند: (ئه‌م ئامێره‌ به‌هۆی جوڵه‌ی جه‌سته‌وه‌ هه‌ستی ئاژه‌ڵه‌كان ده‌رده‌خات و ده‌یگۆڕێت بۆ ئه‌و پێوه‌رانه‌ی كه‌ تۆ هه‌ستی پێده‌كه‌یت).

هه‌ر له‌وباره‌یه‌وه‌ واكابا ساكای كه‌ خاوه‌نی سه‌گێگه‌ رایگه‌یاند (ئه‌م ئامێره‌ لای من زۆر به‌سوودو سه‌رنجڕاكێشه‌، چونكه‌ به‌هۆیه‌وه‌ په‌یوه‌ندیه‌كانمان له‌گه‌ڵ ئاژه‌ڵه‌ ماڵیه‌كان باشترده‌بێت و له‌هه‌ستیان تێده‌گه‌ین).

جێی باسه‌، هه‌ر له‌و پێشانگه‌یه‌دا پۆشاكێكی وه‌رزشی تایبه‌ت بۆ ئاژه‌ڵه‌كان نمایشكرا كه‌ پێوانه‌ی هه‌موو لایه‌نه‌ گرنگه‌كانی جه‌سته‌ی ئاژه‌ڵه‌كان ده‌كات، ئه‌م پۆشاكه‌ به‌منزیكانه‌ به‌نرخی 85 دۆلار ده‌خرێته‌ بازاڕه‌كانه‌وه‌.

خاك – و/ گۆران قادر
س/ كه‌ناڵی الدیار

AM:09:47:19/01/2016

ئه‌م بابه‌ته 1333 جار خوێنراوه‌ته‌وه‌‌
زیاتر ...
Created by kurdsky.com
Copyright © 2015 khaktv.net. all rights reserved
[email protected]
ناوه‌ندی چاپه‌مه‌نی و راگه‌یاندنی خاك - ته‌له‌فزیۆنی خاك
0533201064       0533204134
   بۆ په‌یوه‌ندیكردن به‌ ته‌له‌فزیۆنی خاك 3204134 .. 3201064     ..............    بۆ پەیوەندی كردن بە سایتی خاك 07715343046 ... 07715343048 ([email protected])     .................    بۆ پەیوەندی كردن بە سایتی خاك 07715343046 ... 07715343048 ([email protected])     ..............    بۆ په‌یوه‌ندیكردن به‌ ته‌له‌فزیۆنی خاك 3204134 .. 3201064