هاوسه‌رانی به‌خته‌وه‌ر هه‌ست به‌م خاڵانه‌ ده‌كه‌ن
گه‌ر تۆ یه‌كێكی له‌و كه‌سانه‌ی به‌دڵی خۆت هاوسه‌رت هه‌ڵبژاردووه‌و له‌ژیانی هاوسه‌رگیریدا هه‌ست به‌ به‌خته‌وه‌ری ده‌كه‌یت، پزیشكانی بواری ده‌روونی ئاماژه‌ به‌م خاڵانه‌ ده‌ده‌ن كه‌ هاوسه‌رانی به‌خته‌وه‌ر هه‌ستی پێده‌كه‌ن.

1- پێكه‌وه‌ هه‌ست به‌ئاسووده‌یی و  ئارامی ده‌كه‌ن له‌وكاتانه‌ی پێكه‌وه‌ كات به‌سه‌رده‌به‌ن، هه‌روه‌ها ده‌توانن نهێنی خۆیان بۆ یه‌كتر باسبكه‌ن به‌بێ ئه‌وه‌ی له‌بۆچوونی یه‌كتر بترسن، به‌رده‌وام پێكه‌وه‌ به‌ڕاشكاوی گفتوگۆ ده‌كه‌ن و هه‌روه‌ها پێكه‌وه‌ پێده‌كه‌نن، جگه‌ له‌هاوسه‌ر هاوڕێی یه‌كتریشن.

2- یه‌كتر ئاگادارده‌كه‌نه‌وه‌ كه‌ له‌هه‌موو كاته‌كانی ژیاندا پشت و په‌نای یه‌كترن، هه‌روه‌ها هه‌وڵ بۆ یه‌كتر ده‌ده‌ن بگه‌ن به‌سه‌ركه‌وتن، جگه‌له‌وه‌ش حه‌زده‌كه‌ن پێكه‌وه‌ سه‌ربه‌رزو سه‌رفرازبن.

3- به‌رده‌وام حه‌زده‌كه‌ن یه‌كتر ببینن و له‌دوای كاتی ده‌وام به‌خۆشییه‌وه‌ ده‌چنه‌ ماڵه‌وه‌ یه‌كتر ببینن، خۆشه‌ویستی له‌نێوان هاوسه‌رانی به‌خته‌وه‌ر كۆتایی پێنایه‌ت به‌ڵكو له‌گه‌ڵ تێپه‌ڕبوونی ساڵدا زیاتر هه‌ست به‌ئاسووده‌یی ده‌كه‌ن.

4- هه‌رگیز باوه‌ڕیان به‌جیابوونه‌وه‌و كۆتایی نیه‌، له‌كاتی ناخۆشیدا هه‌وڵده‌ده‌ن پێكه‌وه‌ چاره‌سه‌ر بدۆزنه‌وه‌و به‌رده‌وام باوه‌ڕیان به‌خۆشه‌ویستی یه‌كتر هه‌یه‌.

5- به‌رنامه‌یان بۆ دواڕۆژ هه‌یه‌و بیر له‌دروستكردنی ژیانی خێزانی ده‌كه‌نه‌وه‌، هه‌رگیز باوه‌ڕیان به‌ژیان نیه‌ به‌بێ یه‌كتر.

6- سوپاسگوزه‌رانن كه‌ یه‌كتریان هه‌یه‌و كه‌سێكی باشیان نسیب بووه‌، بۆیه‌ به‌رده‌وام هه‌وڵده‌ده‌ن ره‌زامه‌ندی خۆیان له‌به‌رامبه‌ر بونوی یه‌كتردا ده‌رببڕن و به‌رده‌وام به‌یه‌كتر ده‌ڵێن خۆشمده‌وێیت!

خاك – و/ زاگرۆس جه‌بار
س/ ئاژانسه‌كان

AM:10:07:11/01/2016

ئه‌م بابه‌ته 786 جار خوێنراوه‌ته‌وه‌‌
زیاتر ...
Created by kurdsky.com
Copyright © 2015 khaktv.net. all rights reserved
[email protected]
ناوه‌ندی چاپه‌مه‌نی و راگه‌یاندنی خاك - ته‌له‌فزیۆنی خاك
0533201064       0533204134
   بۆ په‌یوه‌ندیكردن به‌ ته‌له‌فزیۆنی خاك 3204134 .. 3201064     ..............    بۆ پەیوەندی كردن بە سایتی خاك 07715343046 ... 07715343048 ([email protected])     .................    بۆ پەیوەندی كردن بە سایتی خاك 07715343046 ... 07715343048 ([email protected])     ..............    بۆ په‌یوه‌ندیكردن به‌ ته‌له‌فزیۆنی خاك 3204134 .. 3201064