۱ كیلۆ سێو

۱ هێلكه‌

۲ كه‌وچك دارچینی

۷۵ گرام كشمیش

۲۵۰ گرام كه‌ره‌

۲۰۰ گرام شه‌كر

نیو كه‌وچكی چا خوێ

۱ ڤانێلا

۴۰۰ گرام ئاردی سپی

1- فڕنه‌كه‌ت گه‌رمبكه‌ له‌سه‌ر ۱۸۰ پله‌ی گه‌رمی.

2- هه‌موو سێوه‌كان پاكبكه‌و به‌ته‌نكی قاشیان بكه‌.

3- له‌ناو قاپێكدا شه‌كرو هێلكه‌ تێكه‌ڵبكه‌و تێكی بده‌.

4- هه‌روه‌ها كه‌ره‌كه‌ی تێبكه‌ له‌گه‌ڵ ڤانێلا و خوێ و ئاردی سپی، ئێستا هه‌موویان تێكبده‌ تا ده‌بێت به‌هه‌ویر.

5- كشمیشه‌كان بخه‌ره‌ ناو ئاوی گه‌رمه‌وه‌و دوای ۱۵ خوله‌ك ئاوه‌كه‌ی لێده‌ربكه‌و به‌كلێنس وشكی بكه‌ره‌وه‌.

6- قاڵبی كێكه‌كه‌ به‌كه‌ره‌ چه‌وربكه‌و دواتر ناوه‌وه‌ی قاڵبه‌كه‌ به‌نیوه‌ی هه‌ویره‌كه‌ بپۆشه‌.

7- ئێستا نیوه‌ی سێوه‌كان بخه‌ره‌ ناو قاڵبه‌كه‌وه‌و كه‌وچكێك دارچینی به‌سه‌ردا بكه‌ له‌گه‌ڵ نیوه‌ی كشمیشه‌كه‌شی به‌سه‌ردا بكه‌، بۆ جاری دووهه‌م به‌هه‌مانشێوه‌ی نیوه‌كه‌ی تری سێو و دارچینی و كشمیشه‌كه‌شی به‌سه‌ردا بكه‌.

8- به‌نیوه‌ی هه‌ویره‌كه‌ی كه‌ ماوه‌ سه‌ره‌كه‌ی به‌نه‌خش دابپۆشه‌، دواتر بۆماوه‌ی ۳۵ خوله‌ك له‌ناو فڕندا بیبرژێنه‌.

جێی باسه‌، ئه‌م كێكه‌ له‌لایه‌ن ئاماده‌كاری ئه‌م بابه‌ته‌وه‌ دروستكراوه‌. ئه‌مانه‌ی خواره‌وه‌ش وێنه‌كانن..