جگه‌ له‌خواردنه‌وه‌ كۆلا، هه‌روه‌ها له‌مكاتانه‌شدا سوودی هه‌یه‌:

1- له‌وه‌رزی هاویندا سوودی هه‌یه‌ بۆ له‌ناوبردنی مێرووله‌.

2- سوودی هه‌یه‌ بۆ پاككردنه‌وه‌ی په‌ڵه‌ی چه‌وری.

3- گه‌ر دیناری ئاسنی ساڵانی پێشوت هه‌ڵگرتووه‌ بۆ یادگاری، ئه‌وا له‌كاتی پاككردنه‌وه‌دا سوود له‌كۆلا وه‌ربگره‌.

4- به‌هۆی به‌كارهێنانی كۆلا گژوگیای زیاده‌ له‌ناوبه‌ره‌.

5- گه‌ر كاتت نییه‌ بۆ پاككردنه‌وه‌ی ته‌والێت، كۆلای به‌سه‌ردا بكه‌یت و دوای ماوه‌ی یه‌ك كاتژمێر ئاوی به‌ساردا بكه‌.

6- په‌ڵه‌ی خوێن به‌كۆلا پاكده‌كرێته‌وه‌.

7- بۆ لولكردنی ستایلی قژ، به‌كۆلا قژت بشۆو بۆماوه‌ی چه‌ند كاتژمێرێك له‌ناو خاولیدا بیهێڵه‌ره‌وه‌ و دواتر بیشۆ.

8- گه‌ر حه‌زده‌كه‌یت ره‌نگی قژت كاڵبكه‌یته‌وه‌، به‌كۆلا قژت بشۆ.

9- كۆلا بۆ سپیكردنه‌وه‌ی مه‌نجه‌ڵ سوودی هه‌یه‌.

10- بۆئه‌وه‌ی پێستت روونبێت، گرنگی به‌تێكه‌ڵكردنی كۆلاو كرێم بده‌.

11- كۆلا سوودی هه‌یه‌ بۆ پاككردنه‌وه‌ی چه‌وری رۆنی ره‌ش له‌سه‌ر پۆشاك و خاولی.

12- له‌كاتێكدا بنێشت به‌قژته‌وه‌ نوساوه‌، كه‌مێك كۆلای به‌سه‌ردا بكه‌و دوای ماوه‌ی چه‌ند خوله‌كێك لێده‌بێته‌وه‌.

13- گرنگی به‌ به‌كارهێنانی كۆلا بده‌ بۆ له‌ناوبردنی ژه‌نگ.

14- كۆلا سوودی هه‌یه‌ بۆ پاككردنه‌وه‌ی كه‌لوپه‌لی ئۆتۆمبێل.

15- گه‌ر خواردنی سوتاو به‌قاپ و مه‌نجه‌ڵه‌وه‌ سوتاوه‌، له‌كاتی پاككردنه‌وه‌دا له‌ناو كۆلادا بیخوسێنه‌.