جێی باسه‌ ئه‌و چالاكییانه‌ 3:00ی پاشنیوه‌ڕۆ سازده‌كرێت، له‌هه‌مان رۆژیشدا سه‌عات 10:00ی به‌یانی سه‌ردانی مه‌زارگه‌ی هونه‌رمه‌ندی گه‌ل (تایه‌ر تۆفیق) ده‌كرێت به‌مه‌به‌ستی دانانی چه‌پكه‌گوڵی وه‌فا بۆ رۆحی پاكی ئه‌و هونه‌رمه‌نده‌.

* هونه‌رمه‌ندێكی گۆرانیبێژی دیارو گه‌وره‌‌و ناسراوی كوردستانه‌.

* تاهیر تۆفیق ئه‌وڕه‌حمان حه‌مه‌د شێخانی ناوی ته‌واوی ئه‌و هونه‌رمه‌نده‌یه‌‌و به‌تایه‌ر تۆفیق ناسراوه‌.

* ساڵی 1922 له‌گه‌ڕه‌كی به‌فری قه‌ندی شاری كۆیه‌ی مه‌ڵبه‌ندی رۆشنبیری‌ و هونه‌ر له‌دایكبووه‌و تا پۆلی سێی ناوه‌ندی خوێندووه‌.

* هێشتا له‌قۆناغی سه‌ره‌تایی بووه‌ كه‌ خولیای هونه‌ری گۆرانی وتن بووه‌‌و له‌وێوه‌ كاروانی خزمه‌تی هونه‌ری به‌ڕێكردووه‌.

* ساڵی 1945 ‌و له‌دوای جه‌نگی دووه‌می جیهان چووه‌ته‌ رادیۆی كوردی به‌غدا‌و له‌وێوه‌ ده‌نگه‌ به‌سۆزه‌كه‌ی به‌خه‌ڵكی كوردستان گه‌یاندووه‌‌و له‌سه‌رانسه‌ری وڵاتدا ناسراوه‌‌و چه‌ندین گۆرانی ‌و مه‌قامی له‌ئێزگه‌ تۆماركردووه‌.

* تایه‌ر تۆفیق بایه‌خی به‌بواری شیعر داوه‌‌و چه‌ندین كتێبی تایبه‌ت به‌گۆرانی به‌گشتی‌ و گۆرانییه‌كانی خۆی به‌تایبه‌ت چاپ ‌و بڵاوكردووه‌ته‌وه‌.

* ئه‌م هونه‌رمه‌نده‌ گه‌وره‌یه‌ی كورد هه‌موو ژیانی خۆی بۆ خزمه‌تی هونه‌ری گۆرانی كوردی ته‌رخانكرد‌و خزمه‌تێكی گه‌وره‌ی پێشكه‌ش به‌گه‌له‌كه‌ی كرد.

* به‌داخه‌وه‌ هونه‌رمه‌ندی گه‌وره‌ تایه‌ر تۆفیق به‌هۆی نه‌خۆشییه‌وه‌ له‌ 20ی تشرینی یه‌كه‌می 1987 كۆچی دوایی كرد‌و بۆ یه‌كجاری ماڵئاوایی له‌دنیای هونه‌ر كرد.

خاك - په‌یجی تایبه‌تی خه‌لیل عه‌بدوڵڵا

نموونه‌یه‌ك له‌كاره‌ هونه‌رییه‌كانی ئه‌و هونه‌رمه‌نده‌...