كۆمپانیای تۆشیبای ژاپۆنی به‌رهه‌مهێنانی نوێترین ئامێری تابلێتی خۆی به‌ناوی (Toshiba DynaPad) له‌پێشانگای (CES2016) دا ئاشكرا ده‌كات، كه‌ ئێستا پێشانگاكه‌ له‌شاری لاس فیگاسی ئه‌مریكا كراوه‌ته‌وه‌.

تابلێته‌كه‌ی تۆشیبا قه‌باره‌ی شاشه‌كه‌ی 12 ئینجه‌و روونماكه‌شی 1920 به‌ 1280 پێكسڵه‌، هه‌روه‌ها پرۆسێسه‌ره‌كه‌شی له‌جۆری (Intel Atom X5 Z8300) و به‌خێرایی 1.4 گێگاهێرتز.

تابلێتی Toshiba DynaPad قه‌باره‌ی رامه‌كه‌ی 4 گێگابایته‌ له‌گه‌ڵ میمیۆرییه‌كی ناوه‌كی به‌قه‌باره‌ی 64 گێگابایت، هاوكات كامێرای پێشه‌وه‌ی روونماكه‌ی 2 مێگاپێكسڵه‌، به‌ڵام كامێرای پشته‌وه‌ی روونماكه‌ی 8 مێگاپێكسڵه‌، نرخه‌كه‌شی له‌ 570 دۆلاری ئه‌مریكییه‌وه‌ ده‌ستپێده‌كات.