به‌پێی راپۆرته‌ هه‌واڵێكی پێگه‌ی  Geeky – Gadgetsی ئه‌مریكی، كۆمپانیای بلاك بێری رایگه‌یاندووه‌ كه‌ مۆبایله‌كانی ئێمه‌ له‌سه‌ر ئاستی جیهان متمانه‌ی هه‌یه‌و هیچ كه‌سیش ناتوانێت هاكی بكات و بتوانێت سیخوڕی له‌سه‌ر بكات.

هه‌ر له‌ڕاگه‌یاندراوه‌كه‌یاندا هاتووه‌: ئێمه‌ هیچ زانیاریمان نیه‌ له‌سه‌ر ئه‌و ئامێره‌ی كه‌ ده‌سه‌ڵاتدارانی هۆڵه‌ندا به‌كاریانهێناوه‌ بۆ شكاندنی كۆده‌كان و هیچ زانیاریشمان نیه‌ له‌سه‌ر سروشتی ئه‌و په‌یوه‌ندیانه‌ی كه‌ باس له‌شكاندنیان ده‌كرێت. ئه‌گه‌ر كارێكی له‌و جۆره‌ش روویدابێت، ئه‌وه‌ په‌یوه‌ندی نیه‌ به‌كۆمپانیاكه‌مانه‌وه‌، چونكه‌ چه‌ندین هۆكار هه‌یه‌ كه‌ ده‌بێته‌ هۆی شكاندنی كۆده‌كان وه‌ك ره‌زامه‌ندی به‌كارهێنه‌ر له‌سه‌ر ئه‌وكاره‌، یان دابه‌زاندنی ئه‌پڵیكه‌یشنێك كه‌ لایه‌نه‌ ئه‌منیه‌كانی مۆبایله‌كه‌ بشكێنێت.